Sumqayıt-Bakı qatarında texniki problem YARANDI

Bu gün Sumqayıtdan saat 08:10-da çıxan 6010 saylı Sumqayıt-Xırdalan-Bakı elektrik qatarının havalandırma sistemində texniki problem yaranması səbəbindən qatarda kondisioner işləməyib.

News24.az xəbər verir ki, bu barədə "Azərbaycan Dəmir Yolları" QSC-dən bildirilib.

Məlumata görə, hazırda nasazlığın aradan qaldırılması istiqamətində işlər görülür.

Qeyd edilir ki, sərnişin sıxlığı səbəbindən stansiyalarda minib-düşmə zamanı yubanmalar olduğundan qatar Bakı Dəmiryol Vağzalına 5 dəqiqə gecikmə ilə çatıb.