1,1 milyon əfqan deportasiya ediləcək

Pakistan hökuməti respublikada qeyri-qanuni yaşayan 1,1 milyona yaxın Əfqanıstan vətəndaşını deportasiya etmək barədə qərar qəbul edib.

News24.az xəbər verir ki, bu barədə “Geo TV” məlumat yayıb.

Vizası olmayan əfqanlar, o cümlədən müvafiq sənədin müddətinin uzadılmasından imtina edilən şəxslər deportasiya ediləcək. Telekanalın qeyd etdiyi kimi, İslam Respublikası ərazisində qeyri-qanuni yaşayan miqrantların “qovulması” planı artıq təsdiqlənib və “bütün maraqlı tərəflər və Əfqanıstan hökuməti ilə” razılaşdırılır.

Telekanalın məlumatına görə, hazırda Pakistanda 1,1 milyona yaxın Əfqanıstan vətəndaşı qeyri-qanuni yaşayır.

Ayşən