Azərbaycan səfiri Rəcəb Tayyib Ərdoğanla görüşərək onu Cümhuriyyət Günü münasibətilə təbrik ETDİ

Azərbaycanın Türkiyədəki səfiri Rəşad Məmmədov Türkiyə Prezidenti Rəcəb Tayyib Ərdoğanın qəbulunda iştirak edərək onu Cümhuriyyət Günü münasibətilə təbrik edib.

News24.az xəbər verir ki, bu barədə Azərbaycan səfirliyinin mətbuat xidməti məlumat yayıb.

“Bu gün səfir Rəşad Məmmədov Türkiyə Respublikası Prezident Kompleksində keçirilən qəbulda iştirak edib və cənab Prezident Rəcəb Tayyib Ərdoğana Cümhuriyyətin 100-cü ildönümü münasibətilə təbriklərini çatdırıb. Neçə belə yüzilliklərə, Türkiyə!”, – diplomatik missiya qeyd edib.