Mikayıl Cabbarovdan inflyasiya ilə bağlı AÇIQLAMA

Azərbaycanda cari ilin 9 ayında inflyasiya nisbətən zəifləyib.

News24.az Day.Az-a istinadla xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin noyabrın 2-də keçirilən iclasında "Azərbaycan Respublikasının 2024-cü il dövlət büdcəsi haqqında" Azərbaycan Respublikasının qanun layihəsinin müzakirəsi zaman iqtisadiyyat naziri Mikayıl Cabbarov deyib.

Nazir bildirib ki, Azərbaycanın tərəfdaşlıq etdiyi ölkələrdə inflyasiyanın zəifləməsi, eyni zamanda Azərbaycanda həyata keçirilən anti-inflyasiya tədbirləri nəticəsində ölkədə inflyasiya zəifləyib.

Qeyd edək ki, Azərbaycan Respublikasının 2024-cü il dövlət büdcəsinin gəlirləri 34 173 000,0 min manat, xərcləri 36 763 000,0 min manat (o cümlədən, mərkəzləşdirilmiş gəlirləri 33 399 895,0 min manat, yerli gəlirləri 773 105,0 min manat, mərkəzləşdirilmiş xərcləri 35 980 547,0 min manat, yerli xərcləri 782 453,0 min manat) məbləğində tərtib edilib.