Hərbi vəziyyət nəzarətdən çıxıb - BMT

BMT-nin Livandakı Müvəqqəti Qüvvələrinin (UNIFIL) komandanlığı münaqişə tərəfləri arasında zərbələrin mübadiləsi nəticəsində mülki əhalinin sayının artmasından narahatdır. 

News24.az xəbər verir ki, bu barədə UNIFIL-in rəsmi nümayəndəsi Andrea Tenenti məlumat verib.

“Sərhəd bölgələrində hərbi vəziyyətin nəzarətdən çıxması üçün təhlükəli bir tendensiya var”, - o qeyd edib.

Tenenti noyabrın 5-də dörd nəfərlik livanlı ailənin İsrailin atəşi zamanı həlak olmasından təəssüfləndiyini bildirib. O xatırladıb ki, “mülki insanlara hücumlar beynəlxalq hüququn pozulmasıdır və müharibə cinayətlərinə bərabər ola bilər”.

“Əl Jadeed” telekanalının məlumatına görə, İsrail əsgərləri noyabrın 5-i axşam Livanın cənubunda Aitrun-Ainata magistralını atəşə tutub, mərmilərdən biri mülki vətəndaşların olduğu avtomobilə dəyib, nəticədə üçü uşaq olmaqla bir ailənin dörd üzvü həlak olub.

Livan Qızıl Xaç Cəmiyyətinin məlumatına görə, noyabrın 2-də ölkənin cənubunda 5 dinc sakin həlak olub, 3-ü yaralanıb.

Akqabay