Rusiyada KÜTLƏVİ DAVA: azərbaycanlı və gürcülər saxlanıldı

Sankt-Peterburqda kütləvi davadan sonra “Soyğunçuluq” maddəsi ilə cinayət işi açılıb.

News24.az Lent.az-a istinadla bildirir ki, hadisə noyabrın 9-da Suzdal prospektindəki evlərin birinin həyətində baş verib. Şahidlər səhər saatlarında baş verən dava barədə polisə məlumat veriblər və əlbəyaxa dava iştirakçılarından birində odlu silah olması barədə xəbərdarlıq ediblər.

Əraziyə gələn hüquq-mühafizə orqanlarının əməkdaşları yalnız iki nəfərin burnunda göyərmə, sıyrıq və xəsarətlər aşkar ediblər. Onları döyənlər 32 min rubl nağd pul (təxminən 585 manat) və 7,5 min (təxminən 137 manat) dəyərində telefon oğurlayıblar. Zərərçəkənlər oğurluq barədə ifadələr yazıblar.

Polis şübhəlilərin avtomobilini Yolkənarı Xiyabanda tərk edilmiş vəziyyətdə tapıb.

Hadisəni törətməkdə şübhəli bilinən iki Gürcüstan və bir Azərbaycan vətəndaşı Bəstəkarlar küçəsində yaxalanıb. Saxlanılanların ən kiçiyinin 20 yaşı var.