Güclü maqnit qasırğası xəbərdarlığı: bu tarixədək davam EDƏCƏK

Bu gün Yer kürəsini güclü maqnit qasırğası bürüyəcək.

News24.az xəbər verir ki, bu barədə “Meteoagent” məlumat yayıb.

Fırtınanın yüksək (qırmızı) hesab edilən K-indeksinin 7-ci səviyyəsinə (kobud planet indeksi) çatacağı proqnozlaşdırılır .

Maqnit qasırğası nədir?

Günəşdə müntəzəm olaraq partlayışlar və alovlar baş verir, bu da günəş enerjisinin müxtəlif istiqamətlərə, o cümlədən Yerə doğru emissiyasına səbəb olur.

Alimlərin fikrincə, maqnit qasırğaları sinif və güc baxımından K indeksinin 2-ci səviyyəsindən K indeksinin 9-cu səviyyəsinə qədər dəyişir.İndeks nə qədər yüksəkdirsə, maqnit qasırğasının gücü və müvafiq olaraq onun nəticələri də bir o qədər çox olur.

İndeks səviyyəsi K 5 və daha yüksək olan fırtınalar insanların rifahının pisləşməsinə və peyklərin, mobil rabitənin və GPRS-in pozulmasına səbəb ola bilər. Günəş fırtınaları zamanı K indeksi 7-9 səviyyələri auroralara səbəb ola bilər.

Noyabrın 17-də maqnit qasırğası səngiyəcək və maqnitosfer sabitləşəcək. Alimlər növbəti qırmızı səviyyəli qasırğanın noyabrın 22-də olacağını proqnozlaşdırırlar.

Ayşən