Bu, ilk olacaq: NASA-nın yeni PLANI

NASA və Yaponiya Aerokosmik Kəşfiyyat Agentliyi (JAXA) kosmos tarixində yeni addımlar atmağa hazırlaşır. 

News24.az xəbər verir ki, iki qurum 2024-cü ildə orbitə ağacdan hazırlanmış peyk çıxarmağı planlaşdırdıqlarını açıqlayıb.

“LignoSat” adlı eksperimental peyk maqnoliya ağacından hazırlanıb və təxminən qəhvə fincanı boydadır.

NASA və JAXA tərəfindən həyata keçirilən “LignoSat” layihəsi nəhayət reallığa çevrilir. Beynəlxalq Kosmik Stansiyada 10 ay ərzində maqnoliya, albalı və ağcaqayın nümunələri saxlayan agentlik əsas material olaraq ağacı seçmək qərarına gəlib.

ISS-də aparılan sınaqlar göstərdi ki, odun kosmosda həddindən artıq temperatur dalğalanmaları və kosmik şüalar kimi sərt şərtlərə tab gətirə bilir.

Günəş zərrəciklərinə məruz qalmasına baxmayaraq heç bir deformasiyaya, çatlamaya və zədələnməyə məruz qalmadığı da müşahidə edilib.

Maqnoliya ağacının seçilməsinin səbəbi digər ağaclara nisbətən parçalanmağa və qırılmaya daha davamlı olmasıdır. Araşdırmalara görə, Yer kürəsində ağacın çürüməsi və ya yanması mümkün olduğu halda, kosmosun oksigensiz mühitində onun deformasiyaya uğraması demək olar ki, mümkün deyil.

Hazırkı peyklərdə istifadə olunan metal ərintiləri tam yanmadığı üçün kosmik tullantılara çevrilir.

Ayşən