Deputat gediş haqqından narazı OLANLARA: "PİYADA GEDİN!"

Yekaterinburqdan olan deputat  Aleksandr Kolesnikov yeni tariflərlə razılaşmayanlara piyada getməyi tövsiyə edib. 

News24.az xəbər verir ki, bu barədə FederalPress agentliyi məlumat yayıb.

Yekaterinburq Şəhər Dumasında büdcə və iqtisadi inkişaf komissiyasının iclasında Vahid Dövlət Dumasında şəhər işləri komissiyasına rəhbərlik edən deputat ictimai nəqliyyatda gediş haqqının artırılmasına çağırıb. O, qiymət artımı ilə razılaşmayanların hamısına alternativ olaraq piyada hərəkət etməyi təklif edib.

“Biz kapitalizmdə yaşayırıq, niyə nəqliyyatın qiymətini qaldırmırıq? Nədən qorxuruq? Bəyənmirsənsə, pulun yoxdur, maşın sürmə, piyada get. Nəqliyyat sənayesi başqa cür yaşaya bilməz”, - Kolesnikov bildirib.

O, həmçinin nəqliyyat işçilərinin maaşlarının indeksləşdirilməsinin zəruriliyini bildirib. Deputatın sözlərinə görə, bu, kadr çatışmazlığı probleminin həllinə kömək edəcək və buna görə də xətlərdə ləngimələri azaldacaq.

Onun ideyasını Yekaterinburq Dumasının vitse-spikeri Mixail Matveyev dəstəkləyib.

Nəzrin