“Qoy yerini bilsin” - Zümrüd Bədəlovadan ATMACA

“Onları verilişə dəvət edəndə, elə suallar verməliyik ki, görünməyən tərəflərini üzə çıxara bilək”.

News24.az Yenicag.az-a istinadla xəbər verir ki, bu sözləri tanınmış aparıcı Zümrüd Bədəlova deyib.

O, hər adama sənətkar deməyin əleyhinə olduğunu bildirib:

“Elə adamlara sənətkat deyirlər, qalırsan mat-məəttəl. Sənəti olan adama sənətkar deyərlər, sənəti olmayana yox.

Bəzən təqdim edəndə, sənətçi sözündən də istifadə edirlər, bu sözü heç qəbul etmirəm. Sən ya yaxşısan, ya pis.

Hesab edirəm ki, hər kəsə öz adı ilə müraciət etmək lazımdır. Mən demirəm, verilişə yalnız sənətkarı dəvət edirik, xeyr, belə deyil.

Amma onları da verilişə dəvət edəndə, elə suallar verməliyik ki, görünməyən tərəflərini üzə çıxara bilək. Hamını tərifləməli deyilik. Qoy hər kəs yerini bilsin”.