“BakuBus”ın kondisioneri PARTLAYIB? - RƏSMİ AÇIQLAMA

Xəbər verildiyi kimi, bu gün səhər saatlarında “BakuBus” MMC-nin istismarında olan 6 nömrəli avtobusda yanğın baş verib. Yanğına səbəb avtobusdakı kondinsionerin partlaması olduğu bildirilir. Yayılan görüntülərdə dərhal sərnişinlərin avtobusdan düşürüldüyü, hətta aralarımda halı pisləşənlərin olduğu da yer alıb.  

News24.az xəbər verir ki, məsələ ilə bağlı Bizim.Media-ya açıqlama verən “BakuBus”un mətbuat katibi Əsmər Əliyeva yanğının kondinsionerlə əlaqəli olmadığını deyib:

 “Bu gün saat 09:30 radələrində 6 nömrəli  marşrut xətti üzrə hərəkət edən avtobusda texniki nasazlıq səbəbindən avtobuslarda mövcud  avtomatik qoruma sistemi işə düşüb. Sərnişinlər avtobusdan düşürülüb və avtobus qaraja yönləndirilib. Dərhal avtobus qarajdan ehtiyat avtobusla əvəz edilib və marşrutun hərəkət qrafiki bərpa edilib. Sərnişinlər arasında xəsarət alan yoxdur”.