Mahir Emreliyə niyə şans verilmədi?

Mahir Emreli "Dinamo"dan (Zaqreb) ayrıla bilər.

News24.az "Offsideplus.az"a istinadla xəbər verir ki, komandanın baş məşqçisi Sergey Yakiroviç millimizin üzvünə şans vermir. Bosniya və herseqovinalı mütəxəssis hücumçunun göndərilməsindən yanadır. Bu məsələ ilə bağlı redaksiyamıza maraqlı informasiya daxil olub. 46 yaşlı mütəxəssis Mahirin "Dinamo"dan ayrılması üçün müxtəlif bəhanələr axtarır. Bunlardan ən qəribəsi milli komanda ilə bağlı olub. Sən demə, Mahir Emrelinin yığmanın son oyunlarında meydanda az olması hücumçunun "Dinamo"nun əsas heyətindən də kənarda qalmasına səbəb olub. Yakiroviç bunu əsas gətirərək Mahirə oyunlarda şans verməyib.

Qeyd edək ki, yığmamızın üzvü hazırda Azərbaycandadır. Mahir doğma yurdu Zaqatalada istirahət edir.