Nazpəri Dostəliyeva: “O qız məni şantaj edib, pul istəyir”... - SƏS YAZISI

“Mən o qızı nə tanımıram, nə də mənim qardaşımın uşağı deyil. Heç qızın adını da bilmirəm. O kimdir? Tanımıram! Bu video məndə bir aydır ki, var və bu qız məni bu video ilə şantaj edib, pul istəyir”. 

Bu sözləri News24.az-a açıqlamasında xalq artisti Nazpəri Dostəliyeva bu gün sosial şəbəkələrdə özünü onun qardaşı qızı kimi qələmə verən Pərvanə adlı xanımın video-müraciətinə münasibət bildirərkən deyib.

Xalq artisti qeyd edib ki, onun qardaşı Ağaların Rəvan və Cavanşir adlı qanuni iki oğlu var:“Sən demə bir neçə müddət bundan əvvəl bu qız bacım Zeynəbə zəng edərək, deyib ki, Nazpəri mənə pul verməsə, onu bu video ilə şantaj edəcəyəm. Mən ümumiyyətlə, bu qızı tanımıram. Mənim qardaşımın elə qızı yoxdur. O, məni canlı olaraq heç həyatda görməyib”...

Yeganə RZAXANOVA