Deputatlarımız Ukraynada prezident seçkilərini müşahidə edəcək

Milli Məclisin  deputatları  Naqif Həmzəyev və Rüfət Quliyev Ukraynada keçiriləcək prezident seçkilərinin 2-ci mərhələsini izləmək üçün aprelin 19-da  Kiyev şəhərinə  səfərə gedəcəklər.

Milli Məclisin Mətbuat Xidmətindən News24.az-a verilən məlumata görə, Naqif Həmzəyev Avropa Şurası Parlament Assambleyasının müşahidə missiyasının tərkibində prosesə qatılacaq. Azərbaycan-Ukrayna  parlamentlərarası əlaqələr üzrə işçi qrupunun rəhbəri Rüfət Quliyev isə  Milli Məclisin xətti ilə prosesi müşahidə edəcək.

Millət vəkilləri bir sıra seçki məntəqələrində olacaq, seçkinin gedişini və seçicilərin fəallığını izləyəcəklər.

 
Səfər aprelin 22-də başa çatacaq.