!["Sudanda bəzi pozuntular müharibə cinayəti sayıla bilər"](/uploads/posts/2024-02/sudan-aa-2048096_1.webp)
-
- 23-02-2024, 18:56
- 123
"Sudanda bəzi pozuntular müharibə cinayəti sayıla bilər"
BMT-nin İnsan Haqları Bürosu 2023-cü ilin aprelindən bəri Sudanda davam edən vətəndaş müharibəsində pozuntularla bağlı hesabat dərc edib.
News24.az xəbər verir ki, Sudanda münaqişənin başlanmasından 2023-cü il dekabrın 15-nə qədər olan dövrü əhatə edən hesabatda son vaxtlar yardım qrupları və insan haqları üzrə müşahidəçilər üçün əlçatmaz olan ölkədəki pozuntular sənədləşdirilir.
Hesabatda ən azı 118 nəfərin təcavüz də daxil olmaqla cinsi zorakılığın qurbanı olduğu və hücumların əksəriyyətinin evlərdə, küçələrdə hərbiləşdirilmiş Çevik Dəstək Qüvvələri (HDK) tərəfindən həyata keçirildiyi qeyd edilib.
Hesabatda bir qadının "bir binada saxlanıldığı və 35 gün ərzində təkrar kütləvi cinsi təcavüzə məruz qaldığı" da bildirilir.
Qeyd edək ki, BMT-nin hesabatında münaqişənin hər iki tərəfinin uşaqları işə götürdüyü qeyd edilib.
Hesabatda fikirlərinə yer verilən BMT-nin İnsan Haqları üzrə Ali Komissarı Volker T., bu pozuntuların bəzilərinin müharibə cinayəti sayıla biləcəyini ifadə edərək, sui-istifadə və insan hüquqlarının pozulması iddiaları ilə bağlı sürətli, hərtərəfli və müstəqil araşdırmalara çağırıb.
Günel Məlikzadə