İntihar edən eks-prezidentin ÖLÜMQABAĞI MƏKTUBU - FOTO

Tikinti şirkətindən rüşvət almaqda günahlandırılan və evində həbs olunan zamanintihar edən Perunun keçmiş prezidenti Alan Qarsiyanın ölümqabağı yazdığı məktub tapılıb.

News24.az xarici KİV-ə istinadən xəbər verir ki, A.Qarsiya sözügedən məktubda ona qarşı sürülən ittihamları rədd edib:

"Ölkəni idarə etdiyim müddətdə buraxdığım səhvlərə görə, düşmənlərim adımı kriminallaşdırmaq üçün strateqiya qurdular. Lakin onlar heç bir şey tapa bilmədilər və qalib gəldim. Həmin şəxslər bundan sonra da öz qurduqları oyundan və məyusluqlarından başqa heçnə tapa bilməyəcəklər. Nə hesablarım, nə rüşvətim nə də var-dövlətim olmayıb. Mən artıq qarşıma qoyduğum missiyamı yerinə yetirmişəm".