Putindən nüvə istirahəti

Rusiya prezidenti Vladimir Putin Qərb ölkələrinə xəbərdarlıq edib ki, Rusiya texniki cəhətdən nüvə müharibəsinə hazırdır. ABŞ Ukraynaya qoşun yeridərsə, bu, müharibəni əhəmiyyətli dərəcədə şiddətləndirəcək.

News24.az xəbər verir ki, Rusiyada martın 15-17-də keçiriləcək prezident seçkilərinə bir neçə gün qalmış danışan Putin nüvə müharibəsi ssenarisinin “tələsmədiyini” və buna ehtiyac görmədiyini bildirib. 

“Rossiya-1” televiziya kanalına və Rusiyanın RİA xəbər agentliyinə açıqlama verən Putin Rusiyanın nüvə müharibəsinə hazır olub-olmaması sualına “Hərbi və texniki baxımdan, təbii ki, hazırıq” deyə cavab verib.

Putin 2022-ci ilin fevralında Ukraynaya on minlərlə əsgər göndərərək Rusiya ilə Ukrayna arasında genişmiqyaslı müharibəyə başladı. Rusiya Ukraynadakı müharibəni “xüsusi hərbi əməliyyat” kimi qiymətləndirir.

Qərb liderləri Rusiyanı Ukraynada məğlub etmək üçün Ukraynaya lazımi dəstəyi verəcəklərini desələr də, iki ildir davam edən müharibədə Rusiya qüvvələri Ukrayna ərazisinin təxminən beşdə birini ələ keçirib.

Günel Məlikzadə