FACİƏLİ CİNAYƏT: 3 yaşlı qız uşağını öldürüb soyuducuda gizlətdilər

Qaziantepdə 3 yaşlı Lina Nazlı Erbayın döyülərək öldürüldüyü və cəsədinin dondurucuda saxlandığı hadisə ilə bağlı işdə cəzalar açıqlanıb. 

News24.az xəbər verir ki, 2021-ci ildə Abdurrahman Erbaydan ayrılan və 2022-ci ildə rəsmən boşanan Melisa İlhan (33) qızları Lina Nazlı və 1,5 yaşlı Naime Ceyda məktəb yoldaşı Muhabbet Tozun yanına köçüb.

Bu prosesdə övladlarının saxlanılaraq fahişəliyə məcbur edildiyini iddia edən Melisa İlhan 2022-ci ilin sentyabrında keçmiş əri ilə polisə gedərək şikayət edib. Şikayətindən sonra televiziya proqramına qatılan Melisa İlhan övladlarını axtardığını bildirib.

Proqrama zəng edən şəxs Melisa İlhanın kiçik qızı Naime Ceydaya baxdığını bildirib və uşağı polisə təhvil verib. Polisə zəng edən Muhabbet Tozun sevgilisi Mehmet Aksu Lina Nazlının öldüyünü, cəsədinin Seyrantəpə səmtindəki geyim mağazasında dərin dondurucuda gizlədildiyini bildirib.

27 sentyabr 2022-ci il tarixində ünvanda aparılan axtarış zamanı dərin dondurucuda Lina Nazlının meyiti tapılıb. Hadisədən sonra saxlanılan Mehmet Aksu və Muhabbet Toz həbs edilib.

Ağırlaşdırılmış ömürlük və 28 ilə qədər həbs tələbi ilə iddia qaldırılan Mehmet Aksu?  Muhabbet Tozun məhkəməsi 1-ci Ağır Cəza Məhkəməsində davam etdirilib. Təqsirləndirilən şəxslər saxlanıldıqları həbsxanadan SEGBİS vasitəsilə bu gün keçirilən işin qərar iclasına qatılıb.

İclasda Lina Nazlının atası Əbdürrəhman Erbay və vəkilləri də iştirak edib.

İclasda əvvəlki ifadələrini təkrarlayan məhbus müttəhim Muhabbet Toz son sözlərini soruşduqda peşman olduğunu bildirib.

Məhkəmənin hökmü ilə müttəhim Muhabbet Toz “özünü fiziki və əqli cəhətdən müdafiə edə bilməyən uşağı qəsdən öldürmə” cinayətinə görə heç bir azaldılmadan ağırlaşdırılmış ömürlük, həmçinin “uşağa işgəncə vermək” maddəsi ilə 7 il müddətinə azadlıqdan məhrum edilib.

Məhkəmə müttəhim Mehmet Aksuya "qəsdən adam öldürməyə kömək etmək" maddəsi ilə 20 il, "uşağa işgəncə vermək" maddəsi ilə 7 il həbs cəzası verib və cəzanı azaltmayıb.

Günel Məlikzadə