Bizim kimyaçılar beynəlxalq olimpiadada uğur qazanıblar

Rusiyanın Sankt-Peterburq şəhərində məktəblilərin 53-cü Beynəlxalq Mendeleyev Kimya Olimpiadası (IMChO) keçirilib. 

Təhsil Nazirliyindən News24.az-a verilən məlumata görə, aprelin 21-27-də 28 ölkədən 152 nəfərin iştirak etdiyi olimpiadaya Azərbaycan məktəbliləri də qatılıblar. 5 nəfərdən ibarət komanda ilə olimpiadada iştirak edən məktəblilərimiz uğurla çıxış ediblər. Belə ki, Təhsil Nazirliyinin tabeliyindəki Kimya-biologiya təmayüllü liseyin XI sinif şagirdi Əli Əliyev bürünc medala layiq görülüb.

Qeyd edək ki, 3 turdan ibarət olan olimpiadada şagirdlərə qeyri-üzvi, üzvi, analitik və  fiziki kimyanı əhatə edən suallar təqdim edilib.