Təhsil Nazirliyinin “Qaynar xətt”inə 15 773 müraciət daxil olub

Təhsil Nazirliyinin Telefon Məlumat Mərkəzinə (“Qaynar xətt” xidməti, telefon: 146) daxil olan zənglər vəVətəndaşların Qəbulu Mərkəzində 2019-cu ilin aprel ayında vətəndaşlara göstərilən xidmətlərlə bağlı statistika açıqlanıb.

Nazirlikdən News24.az-a verilən məlumata görə, qeyd olunan müddət ərzində həmin mərkəzlərə ümumilikdə 15 773 müraciət daxil olub. Statistikaya əsasən, Telefon Məlumat Mərkəzində 13 132 zəng qəbul edilib. Vətəndaşların Qəbulu Mərkəzində isə bu dövrdə 2641 vətəndaşa xidmət göstərilib.

Telefon Məlumat Mərkəzinə və Vətəndaşların Qəbulu Mərkəzinə daxil olmuş müraciətlərin (əsasən sorğu xarakterli olub) əksəriyyəti dərhal cavablandırılıb və operativ həll olunub. Vətəndaşların Qəbulu Mərkəzində 1447  (591 ərizə, 856 məktub) qəbul olunub və qeydiyyata alınıb.
Daxil olan müraciətlər daha çox birinci sinifə qəbul, müəllimlərin yerdəyişməsi, xaricdə təhsil, diplomların tanınması və digər bu kimi məsələləri əhatə edib.