Çini sel vurdu: 60 min insan təxliyə edildi

Çinin Quanqdonq əyalətinin sıx məskunlaşdığı Pearl bölgəsində güclü yağışdan sonra daşqınlar bir neçə şəhəri su altında qoyub.

News24.az xəbər verir ki, dövlət mediası Çinin cənubunda fırtınalar nəticəsində 3 nəfərin öldüyünü, 11 nəfərin isə itkin düşdüyünü bildirib.

Səlahiyyətlilər seldən zərər çəkmiş ən azı 60 min insanı evlərindən təxliyə edib.

Rekord yağışdan sonra Delta çayı ekstremal hava hadisələri nəticəsində yaranan daha böyük daşqınlara qarşı bölgənin müdafiəsi ilə bağlı narahatlıqları artırıb.

Nisbətən kiçik, 4 milyon əhalisi olan Qingyuan şəhərində bəzi sakinlər daşqınlardan itkilərini hesablayır.

Digərləri gələcəkdə daha ciddi fəlakətlərdən qorxurlar.

Həftə sonu sel suları Quanqdonqda düyü və kartof sahələrini də vurub.

Qeyd edək ki, Çinin ən böyük əyaləti olan Quangdong 2022-ci ilin iyununda son altmış ilin ən güclü yağışına məruz qalıb.

Günel Məlikzadə