Çində daşqın: 286 min insan təxliyə edildi

Çinin cənubundakı Hunan əyalətində mövsümi yağışlar çoxlu daşqınlara səbəb olub.

News24.az xarici KİV-ə istinadla xəbər verir ki, ayın əvvəlindən ştatda 286 min insan evlərini tərk etməli olub.

Daşqınlar nəticəsində iyunun 1-dən indiyədək 2700 evə ziyan dəyib, 10 nəfər həyatını itirib.

Ştatın paytaxtı Cingcou şəhərində küçələr su altında qalarkən, vətəndaşlar metro stansiyalarında, tunellərdə və yeraltı dayanacaqlara sığınıblar.

Qeyd edək ki, ötən il bölgədə daşqınlar nəticəsində 300-ə yaxın insan həlak olub.