Azərbaycana gizli yolla qara kürü gətirənlər ƏLƏ KEÇDİ - ƏMƏLİYYAT- FOTO

Rusiya Federasiyası istiqamətindən Şimal Ərazi Baş Gömrük İdarəsinin "Samur" gömrük postunun idxal gömrük nəzarəti xəttinə daxil olan Azərbaycan Respublikası vətəndaşının idarə etdiyi "Mercedes Benz 1844 LS" markalı nəqliyyat vasitəsi saxlanılıb və gömrük baxışı keçirilib.

DGK-nın mətbuat xidmətindən News24.az-a verilən məlumata görə, yoxlama zamanı yük-nəqliyyat vasitəsində yataq üçün nəzərdə tutulan döşəyin alt hissəsindən 20 ədəd plastik qabda, qabları ilə birlikdə ümumi çəkisi 10 kq olan qara rəngli balıq kürüsü aşkarlanıb.

Faktla bağlı araşdırma aparılır.