Əli Əsədov Mixail Mişustini təbrik edib

Azərbaycan Respublikasının Baş naziri Əli Əsədov Mixail Mişustini Rusiya Federasiyası Hökumətinin sədri vəzifəsinə təyin edilməsi münasibətilə təbrik edib.

News24.az Nazirlər Kabinetinin mətbuat xidmətinə istinadla xəbər verir ki, Ə.Əsədov təbrik mesajında M.Mişustinin Azərbaycan Respublikası ilə Rusiya Federasiyası arasında xeyirxah dostluq ənənələrinə, mehriban qonşuluğa və qarşılıqlı hörmətə əsaslanan çoxplanlı münasibətlərin möhkəmləndirilməsinə töhfəsini qeyd edib.

M.Mişustinin başçılıq etdiyi hökumətin fəaliyyətinin gələcəkdə də Azərbaycan ilə Rusiya arasında qarşılıqlı faydalı əməkdaşlığın inkişafına və strateji tərəfdaşlığın dərinləşməsinə kömək edəcəyinə əminlik ifadə olunub.