Xiaomi-dən Tesla Model Y-yə rəqib

Smartfon bazarında rəqabətini davam etdirən Xiaomi, ilk elektrikli avtomobili Xiaomi SU7 ilə də gündəmdə olub. İndi SU7 sifarişləri üzərində işləyən şirkət haqqında yeni iddia ortaya çıxıb. İddialara görə, Xiaomi Tesla Model Y avtomobili ilə birbaşa rəqabət aparacaq yeni SUV üzərində işləyir. 

News24.az xəbər verir ki, Tesla-nın məşhur modeli Model Y ilə birbaşa rəqabət aparacaq elektrik avtomobili, Xiaomi CEO-su Lei Junun 2021-ci ildə elektrikli avtomobillər haqqında çıxışından sonra inkişaf mərhələsində olduğu üçün tezliklə istehsala keçə bilər.

Ötürücüləri artıraraq həddini aşmağı sevən Çin şirkətinin 2025-ci ilin sonu və ya 2026-cı ilin ilk aylarında yeni Xiaomi elektrikli avtomobil modelini açıqlayacağı gözlənilir. İlk modeldə edilən nasazlıqları və səhvləri aradan qaldıracağına inanılan Xiaomi, SUV avtomobilinə daha çox diqqət yetirdiyi görünür. Xiaomi Pekindəki 300.000 avtomobil istehsal gücünə malik fabriki ilə sürətlə böyüyə və elektrikli avtomobil bazarında mühüm istehsalçıya çevrilə bilər.

Onu da qeyd edək ki, elektrikli avtomobillər arasında seçim edərkən qiymət rəqabəti də vacibdir. Xiaomi SU7 modeli ilə qiymət anlayışını qırmağı bacaran şirkətin SUV modeli üçün münasib qiymətlər təklif edəcəyi gözlənilir. SU7 28 min dolların altında satışa çıxarılıb. Təqdim edilməsi gözlənilən Xiaomi SUV modelinin büdcəyə uyğun qiymət etiketi ilə 20 min dolların altında olması gözlənilir.

Bəs, Xiaomi-nin yeni elektrik avtomobil modeli və Xiaomi-nin elektrik avtomobil bazarındakı yeri haqqında nə düşünürsünüz? Sizcə, o, uğur qazanacaq? 

Günel Məlikzadə