Xərçəng və ürək xəstəliklərinin qarşısını alan MƏHSUL – Açıqlama

“İspanağın müntəzəm istehlakı xərçəngin qarşısını alır”

News24.az Medianews.az-a istinad edərək xəbər verir ki, bunu bioloq İrina Lyalina deyib.

Lyalina qeyd edib ki, sümükləri, dərini sağlam saxlamaq, həmçinin qan təzyiqini tənzimləmək üçün ispanaq yemək tövsiyə olunur. Bundan əlavə, görmə üçün yaxşıdır.

Mütəxəssisin sözlərinə görə, bu bitkinin yarpaqlarında orqanizm üçün lazım olan bir çox maddələr var: həzm üçün vacib olan lif, K, A və C vitaminləri, həmçinin minerallar – dəmir, kalium və fol turşusu.

Lyalina həmçinin qeyd edib ki, ispanaq antioksidantlarla zəngin olduğundan xərçəng və ürək xəstəliklərinin qarşısını almaq üçün yeyilə bilər. Bundan əlavə, ispanaq hamilə qadınlar üçün tövsiyə olunur, çünki yarpaqlarında fetal patologiyaların inkişafına mane olan fol turşusu var.