Trampın həyatından bəhs edən film

ABŞ-ın keçmiş prezidenti Donald Trampın həyatı böyük ekrana gətirilir. Marvel filmlərində Qış Əsgəri obrazını canlandıran amerikalı aktyor Sebastyan Sten Trampı canlandırır. “Şagird” adlı filmi Kann mükafatlı iranlı rejissor Əli Abbasi çəkib.

News24.az xəbər verir ki, Kann kinofestivalında nümayiş etdirilən film 8 dəqiqə sürəkli alqışlarla qarşılanıb. Daşınmaz əmlak maqnatı siyasətə gəlməmişdən əvvəl obrazını canlandıran Stennin performansı yüksək qiymətləndirilib. Mariya Bakalova filmdə Trampın birinci həyat yoldaşı İvana Trampı canlandırıb.

Filmin rejissoru Əli Abbasi “Filmləri yenidən siyasiləşdirməyin vaxtıdır” deyib.

Trampın seçki kampaniyasının sözçüsü Stiven Çeunq film haqqında deyib: “Bu cəfəngiyat uzun müddətdir ifşa olunmuş yalanları sensasiya edən uydurmadır”.

Filmin rejissoru Trampın filmə baxması üçün xüsusi nümayiş təşkil edə biləcəyini və film haqqında danışa biləcəklərini bildirib.

Abbasi deyib: "Məncə, bu onun sevməyəcəyi bir film deyil, amma çox da xoşlanacağını düşünmürəm. Tramp kampaniyasına hər kəsin marağına səbəb olur, istədiyi yerdə onunla görüşəcəm, filmin məzmunu haqqında danışacam, nümayiş keçirəcəm”.

Həqiqi hadisələrdən ilhamlandığı deyilən "The Apprentice" Trampın Kon ilə münasibətlərini, onun iş adamı, daha sonra isə siyasətçi kimi yüksəlişini formalaşdıran hadisələri təsvir edir.

Qeyd edək ki, filmdə Trampın həyat yoldaşı İvananı zorladığı səhnələr var.

Günel Məlikzadə