Ərdoğan Netanyahunu "vampir" adlandırdı

Dünya qanla bəslənən, vampir Netanyahunun barbarlığını izləyir.

News24.az axar.az-a istinadən bildirir ki, bunu Türkiyə Prezidenti Rəcəb Tayyib Ərdoğan deyib.

O, Qərbin, xüsusilə ABŞ-ın Qəzzada baş verənlərə görə məsuliyyət daşıdığını bildirib:

"Fələstinlilərin qanı ABŞ-ın, Avropanın dövlət və hökumət başçılarının əllərindədir ki, onlar öz susqunluqları ilə İsrail vampirizminin ortağı olurlar. İsrail beynəlxalq hüququn nəzarətinə keçmədən heç bir ölkənin təhlükəsizliyi təmin olunmayıb. Buna Türkiyə də daxildir. Düşünürsünüz ki, bu barbarlıq təkcə Qəzza ilə hüdudlanıb? Əsla dayanmayacaqlar. Hüquq və qanun tanımayan İsrail bütün insanlıq üçün, dünyada sülh üçün bir təhdiddir".