Putin 24 ildən sonra Şimali Koreyaya gedir

Rusiya prezidenti Vladimir Putin iyunun 18-19-da Şimali Koreyaya səfər edəcək.

News24.az xəbər verir ki, Şimali Koreya lideri Kim Çen In ötən ilin sentyabrında Rusiyanın Uzaq Şərq regionuna səfəri zamanı Putini dəvət edib.

Putin 2000-ci ilin iyulundan, prezidentliyinin birinci ilindən bəri Pxenyana səfər etməyib.

Putinin Pxenyana planlaşdırılan səfəri iki təcrid olunmuş ölkə arasında münasibətlərin dərinləşməsindən xəbər verir.

İKİ ÖLKƏ ARASINDA ƏLAQƏLƏRİN ARTIRILMASI

Çin Şimali Koreyanın ticarət həcminin 90 faizindən çoxunu təşkil edir və ölkənin ən etibarlı diplomatik müttəfiqidir.

Lakin Putinin Pxenyana gözlənilən səfərindən göründüyü kimi, bu tənha dövlət Rusiya ilə təhlükəsizlik və iqtisadi əlaqələrinin təsiri altına düşür.

RUSİYA ŞİMALİ KOREYAYA NECƏ YARDIM EDƏCƏK?

Çin Şimali Koreyaya BMT sanksiyalarından yayınmağa və iqtisadiyyatının çökməsinin qarşısını almağa kömək etdiyi iddia edilən yeganə regional güc deyil.

Ötən ay ABŞ Rusiyanın Şimali Koreyaya BMT Təhlükəsizlik Şurasının müəyyən etdiyi həddi aşan miqdarda emal olunmuş neft göndərdiyini iddia edib.

PUTİNİN SON SƏFƏRİNDƏN SONRA NƏ DƏYİŞDİ?

Putin sonuncu dəfə 2000-ci ildə Pxenyana səfər edəndə Rusiya G8-in üzvü idi. O zaman Kimin atası Kim Çen İrin rəhbərlik etdiyi Şimali Koreyanın ilk nüvə sınağını keçirməsinə hələ altı il qalmışdı.

Rusiyanın 2022-ci ilin fevralında Ukraynaya müdaxiləsi və Şimali Koreyanın eyni ildə rekord sayda raket sınaqları keçirməsi hər iki ölkənin beynəlxalq təcridini dərinləşdirdi.

Günel Məlikzadə