"Bugatti": "Olena Zelenska bizdən avtomobil almayıb"

"Bugatti" avtomobil şirkətinin Paris dileri Ukrayna Prezidentinin həyat yoldaşı Olena Zelenskanın onlardan 4,5 milyon avroya "Bugatti Tourbillon" avtomobili alması ilə bağlı xəbəri yalanlayıb.

News24.az AzVision.az-a istinadla xəbər verir ki, bu barədə şirkətin sosial şəbəkə hesabından bildirilib.

Sözügedən xəbəri ötən günlərdə Fransanın "Vérité Cachée" nəşri yaymışdı. Nəşrin iddiasına görə, avtomobil Zelenski ailəsinə xüsusi təqdimatla verilib və Volodimir Zelenski də şəxsən təqdimata qoşulub.

Xanım Zelenska özü hələlik bu məsələ ilə bağlı açıqlama verməyib.