Müxalifət liderinə hücum etdi..

Cənubi Koreyada müxalifət lideri Li Çje Myonqa bıçaqla hücum edən şəxsin cəzası açıqlanıb.

News24.az xəbər verir ki, bu baradə Cənubi Koreyanın Yonhap xəbər agentliyi yazır.

Yanvar ayında Linin boynunu yaralayan və bir həftədən çox xəstəxanada qalmasına səbəb olan təcavüzkar 15 il həbs cəzasına məhkum edilib.

Bildirək ki, yanvarın 2-də Linin cənub-şərqdəki liman şəhəri Busanda binanın tikintisini yoxlamaq üçün səfəri zamanı 67 yaşlı Kim soyadlı hücumçu avtoqraf istəyən tərəfdar kimi geyinərək Demokrat Partiyasının sədrinə yaxınlaşıb və onun boynundan bıçaqlayıb.

Kim açıqlamasında Linin prezident olmasına mane olmaq niyyətində olduğunu bildirib.

Aprelin 10-da keçiriləcək parlament seçkilərindən üç ay əvvəl baş verən hücum, Lini qan damarlarının bərpası əməliyyatı üçün səkkiz gün xəstəxanada saxlayıb.

Günel Məlikzadə