-
- 16-07-2024, 13:06
- 147
Maskatda məscidə hücum edildi: ölənlər var
Bu gün səhər saatlarında Omanın paytaxtı Maskat şəhərində İmam Əli məscidinə silahlı hücum olub.
News24.az Axar.az-a istinadla xəbər verir ki, bu barədə ərəbdilli media məlumat yayıb.
Məhərrəmlik münasibətilə keçirilən əzadarlıq mərasiminə edilən hücum nəticəsində 4 nəfərin öldüyü, bir neçə nəfərin yaralandığı bildirilib.
Məscidə hücumun təfərrüatı barədə məlumat verilməyib.
Oman polisi hadisə ilə bağlı araşdırmalara başlanıldığını bildirib.
ABŞ-ın Maskatdakı səfirliyi bəyanat yayaraq vətəndaşlarına ehtiyatlı olmalarını tövsiyə edib.