Əməkdar artist niyə İNTİHAR ETMƏK İSTƏYİB?

“Dedim, bu sənətə qoymasanız, özümü öldürəcəyəm”.

News24.az Yenicag.az-a istinadla xəbər verir ki, bu sözləri tanınmış müğənni, əməkdar artist Rəhilə Bəndəliyeva “Ay Zaur” verilişində deyib.

O, vaxtilə ailəsinin onun müğənni olmasına qarşı çıxdığını, buna görə də intihar etmək istədiyini bildirib:

“Atam kənd sovetinin sədri idi. Hamı deyirdi necə olub ki, atası qızının artist olmasına razı olub. Ailəmizdə müğənni olmağımı istəmirdilər. Qardaşım da istəmirdi müğənni olum. Amma mən fikrimdən dönməyəcəyimi dedim. Dedim, bu sənətə qoymasanız, özümü öldürəcəyəm. Dəniz evimizin yaxınlığında idi. Dedim, özümü dənizə atacağam.

Atam gəlib alnımdan öpdü, dedi həmişə alnın açıq olsun, get, ürəyin necə istəyir elə də et, istədiyin sənəti seç”.