Umut Bulut futbolu tərk etdi

Türkiyə futbol tarixinin ən çox qol vuran futbolçularından olan Umut Bulut aktiv futbolçu karyerasını başa vurub.

News24.az xəbər verir ki, Türkiyənin MKE Ankaragücü, Trabzonspor, Qalatasaray, Kayserispor, Yeni Malatyaspor, Eyüpspor və Sarıyer, Fransanın Tuluza klublarında çıxış edən Umut Bulut aktiv futbolçu karyerasını 41 yaşında bitirib.

Bulut karyerasını futbol dünyasında məşqçi kimi davam etdirmək qərarına gəlib. Baş məşqçi Rıza Çalımbayın komandasına keçən Umut Bulut işə köməkçi məşqçi kimi başlayacaq.

Qeyd edək ki, futbolçu karyerasında 751 oyun keçirən və 233 qol vuran Umut Bulut Milli Futbol Komandasında da çıxış edib.

Günel Məlikzadə