Yeni Motorola iPhone və Galaxy-ni qabaqladı

DxOMark laboratoriyasının mütəxəssislərinin foto və video imkanlarının müqayisəsində Motorola Edge 50 Ultra smartfonu Samsung Galaxy S24 Ultra-dan daha yaxşı nəticə göstərib.

News24.az xəbər verir ki, Motorola-nın yeni məhsulu DxOMark reytinqində 146 bal toplayıb və ümumi siyahıda 18-ci yeri tutub. Bu, iPhone 14 Pro Max-ın nəticələri ilə müqayisə oluna bilər. Galaxy S24 Ultra isə iki balla itirib.

Motorola-nın yeni flaqmanı 1/1,3 düymlük optik formatlı 50 meqapiksellik OmniVision OV50H sensoru da daxil olmaqla üçlü kamera qurğusuna malikdir ki, bu da olduqca təsir edici ölçüdür. O, periskop obyektivli 64 meqapiksellik sensor və 50 meqapiksellik Samsung JN1 sensoru əsasında ultra geniş bucaqlı kamera ilə tamamlanır.

Keçmişdə Motorola həmişə proqram səviyyəsində kameralarının tam potensialından istifadə edə bilmirdi. Bununla belə, görünür, şirkət Motorola Edge 50 Ultra ilə bu maneəni dəf edib.

Məryəm İlhamqızı