“Vest Hem Yunayted” Van-Bissakanı transfer etdi

İngiltərə Premyer Liqasında çıxış edən "Vest Hem Yunayted" "Mançester Yunayted"in sağ cinah müdafiəçisi Aaron Van-Bissakanı heyətinə qatıb.

News24.az xəbər verir ki, "Vest Hem Yunayted" klubu 26 yaşlı ingilis futbolçu ilə 7 illik müqavilə imzalandığını açıqlayıb.

İngiltərə mətbuatında transferin 15 milyon funt sterlinq qarşılığında edildiyi iddia edilib.

Qeyd edək ki, karyerasına “Kristal Pelas”da başlayan Wan-Bissaka 2019-cu ildə 50 milyon funt sterlinqə “Mançester Yunayted”ə transfer olunub.

Van-Bissaka "Mançester Yunayted"də 5 mövsümdə 190 oyun keçirib və 2 qol vurub.

Günel Məlikzadə