Ramil Usubov vətəndaşlarla görüşəcək

Vətəndaşların nəzərinə! Azərbaycan Respublikasının Daxili İşlər naziri, general-polkovnik Ramil Usubov iyunun 22-də Quba Rayon Polis Şöbəsində Quba, Qusar, Xaçmaz, Şabran, Siyəzən və Xızı  rayonlarının sakinlərini qəbul edəcək.

DİN-in mətbuat xidmətindən News24.az-a verilən məlumata görə, vətəndaşlar daxili işlər orqanlarının əməkdaşlarının fəaliyyətinə və Daxili İşlər Nazirliyinin səlahiyyətlərinə aid məsələlərlə bağlı müraciət etməklə qəbula yazıla bilərlər.

Qəbula gələnlər şəxsiyyət vəsiqəsini təqdim etməlidirlər.