Toyda faciə: 13 nəfər yaralandı, bəy və gəlin..

Muğlanın Bodrum rayonunda şadlıq sarayında çıxan davada bəylə gəlinin də olduğu 13 nəfər yaralanıb. 

News24.az xəbər verir ki, iddiaya görə, toyda Ö.Ç digər qonaqlar həyat yoldaşının olduğu masaya baxdıqdan sonra əksəriyyəti kişilərdən ibarət qrupla mübahisə etməyə başlayıb.

Mübahisə qısa zamanda davaya çevrilib. Dava zamanı tərəflər bıçaq, butulka və stuldan istifadə edərək bir-birinə hücum edib.

Xəbər verildikdən sonra hadisə yerinə çoxlu polis və tibbi qruplar göndərilib. Davada Ö.Ç.-nin həyat yoldaşı N.A.Ç., qayınanası N.İ., qaynı M.B., gəlin B.U. və digər qonaqlar M.S., H.S., İ.S., G.T., B.S., H.D., M.B., E.T. ilə H.C.K. yaralanıb.

Yaralılar sağlamlıq qruplarının ilk yardımından sonra ətraf xəstəxanalara aparılıb. 13 nəfər müalicə olunduqdan sonra evə buraxılıb. Polis idarəsində əməliyyatları tamamlanan 4 şübhəli məhkəmə tərəfindən həbs edilib.

Günel Məlikzadə