Ölümcül göbələk aşkar edildi

Tver vilayətinin Vışnevolotsk rayonunda göbələk toplayanlar son dərəcə nadir göbələklə rastlaşıblar. Bu, “şeytanın dişi” kimi də tanınan Hydnellum Pecadır.

News24.az xəbər verir ki, göbələyin səthində parlaq qırmızı maye damcıları olduğuna görə ona “qanlı diş” və ya “çiyələk və qaymaq” da deyilir.

Hydnellum Peca qumlu torpaqlarda böyüyür və qapağındakı mayenin köməyi ilə tutan nəm və həşəratlarla qidalanır. Bu göbələk əvvəllər yalnız Avropa və Amerikada tapılıb.

Vışnevolotsk meşə təsərrüfatı idarəsinin əməkdaşları “səssiz ov” həvəskarlarını ehtiyatlı olmağa və bu göbələyə toxunmamağa çağırıblar, çünki bu, ölümcül ola bilər.

Məryəm İlhamqızı