Hamı bu evi görməyə GƏLİR - FOTO

İspartanın Sav qəsəbəsində yaşayan 75 yaşlı Səkinə Akkul tapdığı hər şeyi çəhrayı rəngə boyayır. 

News24.az xəbər verir ki, birmərtəbəli evinin çöl qapısından tutmuş divarlarına, evin içindəki bəzək əşyalarına qədər hər şeyi rəngləyən Akkul çəhrayı rəngə olan sevgisinin uşaqlıq illərindən başladığını bildirib:

“4-5 yaşım olanda anamdan çəhrayı parça istəyirdim, tikərdim. Başqa rəng olsaydı, qəbul etməzdim. Çəhrayıya olan sevgim o vaxtdan mövcuddur. Atam bayramlarda bizə bayram paltarı alanda ondan xahiş edərdim ki, mənə çəhrayı paltarlar alsın".

Çəhrayı rəngi çox sevdiyi üçün hər şeyin bu rəng olmasını istədiyini deyən Səkinə xala “Boyamaq içimdən gəlir. Evimi özüm boyadım. Mən tapa bildiyim hər şeyi çəhrayı rəngə boyamaq istəyirəm. Boyamayanda yata bilmirəm. Çəhrayı boya alanda özümü rahat hiss edirəm. Oğlum deyir ki, ana, xəstəsən, amma mən deyirəm ki, oğlum, dayana bilmirəm, rəsm çəkəndə bədənim rahatlaşır. İmkanım olsaydı, oğlumu və qızımı çəhrayıya boyayardım, onlara da o  rənglə baxardım", - deyib.

Yaşadığı evi 9 il əvvəl çəhrayı rəngə boyadığını bildirən Akkul, “9 il əvvəl evimdə çəhrayı rəng var idi, bu qədər deyildi. Ərim rəhmətə gedəndən sonra çəhrayıya aşiq oldum və evimi boyayaraq özümü təsəlli etməyə başladım", - deyə qeyd edib.

Evi üçün vəsiyyətlərini övladlarına qoyub getdiyini bildirən Akkul, “Uşaqlarıma deyirəm ki, ölsəm bu bəzək əşyaları belə qalsın, iki-üçünü qəbrimdən assın. Mən ölənə qədər daha çox çəksəm, iki-üçünü asarlar, qalanı da qalacaq. İstəyirəm ki, heç kim ona toxunmasın və evə gəlib-gedən hər kəs məni xatırlasın ki, bu qadın bunu edib. Qəbir daşım çəhrayı olsun, evimin girişi kimi. Hamı mənim qəbrimə baxmalıdır", - deyərək fikrini yekunlaşdırıb.

Məryəm İlhamqızı