Tər qoxusunun qarşısını almağın təbii yolu

Gündəlik həyatın təlaşında tər qoxusu və dəri problemləri ilə məşğul olmaq bəzən çətin ola bilər. Kimyəvi tərkibli məhsullar ümumiyyətlə müvəqqəti həllər təklif edir və uzun müddətdə dəri sağlamlığına mənfi təsir göstərə bilər. Bununla belə, təbiətin müalicəvi bitkiləri dəri problemlərinə təsirli və qalıcı həllər təklif edir. 

News24.az tər qoxusunun qarşısını almağın təbii yolunu təqdim edir:

Duzlu sabun dərinin dərindən təmizlənməsinə kömək edir. Tərkibindəki təbii minerallar sayəsində məsamələri təmizləyir, ölü dərini aşındırır və dərini daha parlaq edir.

Duzlu sabun dərinin yağ balansını tənzimləyir və xüsusilə yağlı dərilər üçün ideal təmizlik təmin edir. Daimi istifadə ilə dərinin daha təmiz və təravətli görünməsinə kömək edir. Duzlu sabun həmçinin dərinin pH səviyyəsini tarazlayaraq dərinin təbii qoruyucu baryerini gücləndirir.

Bu sabun sızanaq problemləri ilə mübarizədə də çox təsirlidir. Duzun antibakterial xüsusiyyətləri dəridə bakteriyaların yığılmasının qarşısını alır və mövcud sızanaqların qurumasına kömək edir. Duzlu sabunun müntəzəm istifadəsi sızanaqlara meylli dəri üçün əla həlldir və dərinin daha hamar bir görünüş əldə etməsinə kömək edir.

Məryəm İlhamqızı