Qocalmanın qarşısını alan 7 qida

Pəhriz və yediyimiz qidalar dərinizin sağlamlığına birbaşa təsir edir. Əgər mütəmadi olaraq  şəkərli, yağlı qidalar qəbul edirsinizsə, bir çox dəri problemi ilə qarşılaşa bilərsiniz. Sağlam dəri üçün bir çox fərqli qidaları birlikdə qəbul etməlisiniz. Dəriyə kollagen dəstəyi verən qidaları mütəmadi olaraq qəbul etməklə, erkən yaşlanmanın qarşısını ala bilərsiniz.

News24.az yaşlanmanın qarşısını alan 7 qidanı təqdim edir:

AVOKADO

Avokadonun nəmləndirici xüsusiyyəti var. Dəriyə dolğunluq verir. Dəri qırışlarını və incə qırışları azaldır. Avokado yağı dəri baryerini gücləndirir və dərinin zədələnməsinin qarşısını alır. Avokado yağı E vitamini ilə də çox zəngindir. Dəriyə təbii parıltı və parlaq görünüş bəxş edir. Müntəzəm olaraq avokado istehlak edərək gözəl dəriyə sahib ola bilərsiniz.

ÇUĞUNDUR


A vitamini, kalium, natrium, kalsium, maqnezium və E vitamini ilə zəngin olan çuğundur dəri üçün çox faydalıdır. Bütün bu antioksidanlar dərini qırışlara, donuqluğa və sallanmaya səbəb ola biləcək sərbəst radikallardan qoruyur.

QOZ


Qoz əla sink mənbəyidir. Sink dəriniz tərəfindən zədələrə qarşı maneə və müalicə üçün istifadə olunur. Qoz tərkibindəki yüksək E vitamini və omeqa-3 yağ turşusu sayəsində dəri sağlamlığı üçün çox faydalıdır. Qoz yeməklə dərinizi gücləndirə bilərsiniz.

TÜND ŞOKOLAD


Tünd şokoladın bioaktiv komponentləri də dərinizə fayda verə bilər. Flavanollar dərinin sıxlığını və nəmlənməsini artıra, günəşin zədələnməsi riskini azalda və dəriyə qan axınını yaxşılaşdıra bilər. Nəticədə dəriniz günəşdən daha yaxşı qorunur. 

YAŞIL ÇAY


Yaşıl çayın müntəzəm istehlakı dərinizin görünüşünü əhəmiyyətli dərəcədə yaxşılaşdıra bilər. Antioksidant və iltihab əleyhinə xüsusiyyətləri dərinin elastikliyini qoruyub saxlayır. 

ÇİA TOXUMU

Çia toxumu dərinin təməlini gücləndirir. Tərkibində zəngin omeqa-3 yağ turşuları dərini qidalandırır və bərpa edir.

QARAGİLƏ 

Qaragilə dərini nəzərəçarpacaq dərəcədə sakitləşdirmək üçün qeyri-adi qabiliyyətə malik olan iltihab əleyhinə, antioksidant və polifenol mənbəyidir. Dərini xarici faktorlara qarşı güclü edir. Dərinin həssaslığının qarşısını alır. Dərini qidalandırır. Bir çox vitamin saxladığı üçün dərinin sağlam görünməsinə kömək edir. Dərinin vaxtından əvvəl qocalma əlamətlərini azaldır./CNN Türk/

Qumral Əliyeva