Ukrayna Prezidenti Vladimir Zelenski növbəti maraqlı hərəkəti ilə gündəmə gəlib. News24.az Ukrayna KİV-nə istinadən xəbər veri ki, V.Zelenski meşədə mətbuat konfransı keçirib. “Zalesye” şəhərətrafı yerində baş tutan görüşdə jurnalistlərdən başqa, Prezident Administrasiyasının əməkdaşları da iştirak edib. Danışıqların təfərrüatları açıqlanmır. Jurnalistlər sosial şəbəkə hesablarında görüşdən fotolar paylaşaraq Zelenskinin onlara şaurma qonaqlığı verdiyini qeyd ediblər.

Görüşdə yalnız xüsusi dəvət olunmuş media mənsubları iştirak edib. Ölkə prezidenti ilə yalnız söhbət edən yerli KİV nümayəndələri, bu söhbətləri yazmaq niyyətində olmadıqlarını qeyd edirlər. Çünki söhbətlər xüsusi görüş əsnasında baş tutub və bu xahiş olunub. 

V.Zelenski bildirib ki, açıq və böyük mətbuat konfransı Prezident seçilməyinin 100-cü gününün tamamında baş tutacaq. 

Teglər: Ukrayna Vladimir Zelenski prezident mətbuat konfransı KİV maraqlı