Bu ölkələr ümumi turist vizasını MÜZAKİRƏ EDİR

Altı Cənub-Şərqi Asiya ölkəsi vahid Şengen tipli turist vizası tətbiq etməyi düşünür. 

News24.az xəbər verir ki, bu barədə Laosun “Vientiane Times” qəzeti məlumat yayıb.

Nəşr bildirib ki, təşəbbüs Laos, Tailand, Kamboca, eləcə də Malayziya, Myanma və Vyetnam kimi ölkələr tərəfindən müzakirə olunur.

Qəzet yazıb: "Liderlər artan səyahət dövriyyəsinin iqtisadi və diplomatik faydalarını qəbul edərək təklifə müsbət cavab verdilər".

Vientiane Times qeyd edib ki, yeni viza sxemi adı çəkilən ölkələrə turizm axınını əhəmiyyətli dərəcədə artıra, həmçinin bu ölkələr arasında iqtisadi faydaların daha bərabər bölüşdürülməsini yarada, eləcə də ziyarətçilər üçün ümumi səyahət təcrübəsini yaxşılaşdıra bilər.

Məryəm İlhamqızı