Keçmiş millət vəkili İqbal Ağazadə əmisi oğlunun ölməsi ilə bağlı açıqlama verib.

News24.az “Qafqazinfo”ya istinadla xəbər verir ki, İ. Ağazadə əmisi oğlu Loğman Abbasovun meyitinin küçədən tapılması xəbərinin yalan olduğunu bildirib:

“Loğman Abbasov yeni tikili binalarda qapı, pəncərələrin quraşdırılması ilə məşğul olurdu. Hadisə günü də işdə olub, binanın 7-ci mərtəbəsinə qalxıb və ürəktutmadan vəfat edib. Həmin mərtəbədə yaşayış yoxdur və orada başqa işçilər olmadığı üçün bir müddət ondan xəbər ala bilməyiblər. Buna görə də itkin düşməsi haqda polisə məlumat verilib.

Daha sonra isə meyiti həmin binadan tapılıb. Əvvəllər onun ürəyində problem olmayıb”.

Qeyd edək ki, 49 yaşlı L.Abbasov ailəlidir.

Teglər: İqbal Ağazadə əmisioğlu Loğman Abbasov