“Barsa”nın ulduzunun ailəsi təhdid olunur - Nənəsi açıqladı

“Barselona”nın və İspaniya millisinin 17 yaşlı cinah oyunçusu Lamin Yamalın nənəsi futbolçunun ailəsinə qarşı təhdidlər olduğunu bildirib.

News24.az Publika.az-a istinadla xəbər verir ki, bu barədə “Sport.es” yazıb.

Yamalın nənəsinin dediyinə görə, bir çox insan ailəsinə həsəd aparır. Qadın naməlum şəxslər tərəfindən hədələndiyini bildirib.

Xatırladaq ki, bu mövsümün başlamasına bir neçə gün qalmış bir neçə nəfər Yamalın atası Munir Nazrauini bıçaqlamış, nəticədə o, xəstəxanaya yerləşdirilmişdi.

Bu mövsüm Lamin Yamal bütün turnirlərdə altı matçda iştirak edib, dörd qol vurub və dörd məhsuldar ötürmə edib. Futbolçunun əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, futbolçunun bazar dəyəri 120 milyon avrodur.