İsrail Livana ULTİMATUM VERDİ - "Vaxt yoxdur, müharibə başlayır"

İsrail, Livan "Hizbullah" hərəkatı ilə artan münaqişə fonunda, kəşfiyyat və hərbi üstünlüklərindən istifadə edərək Livana “örtülü” ultimatum təqdim edir: ya Livan silahlı qüvvələri İsrailin şimal sərhədindən geri çəkilir, ya da müharibəyə başlayır.

News24.az Publika.az-a istinadla xəbər verir ki, bu barədə Amerikanın "The Wall Street" Journal qəzeti yazır .

""Hizbullah" sıravilərinə, komandirlərinə və infrastrukturuna qarşı hücumların artması ilə İsrail hərbi və kəşfiyyat üstünlüyündən istifadə edərək Livan qrupuna gizli ultimatum təqdim edir: İsrailin şimal sərhədindən geri çəkilmək və ya müharibəyə başlamaq üçün razılaşma əldə edin", - məlumatda deyilir.

Qeyd olunur ki, sentyabrın sonunda Qəzza zolağında döyüş meydanı statik vəziyyətə düşdüyündən İsrail diqqətini Livanla sərhədə yönəldir.

Eyni zamanda, Birləşmiş Ştatlar "Hizbullah" və İsrail arasında münaqişənin diplomatik yolla həllində israrlıdır ki, bu da Livan hərəkatını öz qüvvələrini İsrail sərhədindən könüllü olaraq geri çəkməyə və 2006-cı il müharibəsindən sonra razılaşdırılmış xəttə qayıtmağa məcbur edəcək.

Qəzet vurğulayır ki, İsrail rəsmiləri bu danışıqların dalana dirəndiyini və müharibədən başqa həll yolu tapmaq üçün vaxtın olmadığını vurğulayıb.

Bundan əvvəl İsrail Hərbi Hava Qüvvələrinin Livandakı "Hizbullah" hərəkatının infrastrukturuna yeni kütləvi zərbələr dalğasını tamamladığı bildirib.