Tramp: "İran mənim həyatımı ciddi şəkildə təhdid edir"

“Respublikaçılar Partiyası”ndan ABŞ prezidentliyinə namizəd olan Donald Tramp İranın onun həyatı üçün təhlükə yaratdığını iddia edib.

News24.az TASS-a istinadən xəbər verir ki, o, bu barədə "Truth Social" səhifəsində yazıb. 

"İran mənim həyatımı ciddi şəkildə təhdid edir. ABŞ ordusu bunu izləyir və gözləyir. İran artıq addımlar atıb və uğursuzluğa düçar olub, lakin yenidən cəhd edəcək", deyə D.Tramp qeyd edib. 

Tramp əlavə edib ki, o, əvvəlki illərdən daha çox insan və silahla əhatə olunub. 

Tramp həmçinin ABŞ Konqresinə onu qorumaq üçün Gizli Xidmət üçün əlavə vəsaiti təsdiqlədiyinə görə təşəkkür edib.

Teymur Məmmədov