Bəbirin hücum etdiyi azyaşlı DÜNYASINI DƏYİŞDİ

Hindistanın Maharaştra əyalətinin Pune şəhərində uşaq bəbirin hücumuna məruz qalıb.

News24.az Asian News İnternational-a istinadla (ANI) xəbər verir ki, Pune şəhərinin Junnar rayon meşə bölməsinin rəsmiləri və polisi məsələ ilə bağlı açıqlama verib.

Verilən məlumata görə, Tejiwadi kəndində yaşayan uşaq evin arxasındakı meşəlik əraziyə gedib və orada bəbirin hücumuna məruz qalıb.

Səlahiyyətlilər 9 yaşlı uşağın cansız cəsədinin tapıldığını bildirib və sakinlərə bəbirdən ehtiyatlı olmaları barədə xəbərdarlıq edib.

Qeyd edək ki, Hindistan mətbuatında mart ayından bəri bölgədə bəbir hücumları nəticəsində daha 5 nəfərin öldüyü bildirilib.

Məryəm İlhamqızı