Futbol tarixinin ən pis hakim qərarları - SİYAHI

Məşhur "FourFourTwo" jurnalı futbol tarixinin ən pis hakim qərarlarının reytinqini dərc edib.

News24.az Publika.az-a istinadən xəbər verir ki, birinci yerdə DÇ-2006-da keçirilən Xorvatiya - Avstraliya matçında Qrem Pollun səhvi qərarlaşıb. Referi yalnız üçüncü sarı vərəqədən sonra Yosip Simuniçi meydandan qovub.

"İlk 3-lükdə" tarixə “Tanrının əli” kimi düşən qol da qərarlaşıb. Söhbət Argentina millisinin əfsanəsi Dieqo Maradonanln DÇ-1986-nın 1/4 finalında İngiltərəyə vurduğu qoldan gedir.

Futbol tarixinin ən pis 10 hakim qərarı:

1. QremPoll - Josip Simunicə üç sarı vərəqə, DÇ-2006

2. Cenni Sikazve - Afrika Kubokunun Tunis - Mali matçında əvvəlcə 85, sonra 90-cı dəqiqədə oyunu bitirib.

3. Əli Bin Nasser - Dieqo Maradonanın əl ilə vurduğu qol, DÇ-1986.

4. Martin Hansson - İrlandiya ilə DÇ-2010-a vəsiqə uğrunda pley-off matçında Fransa millisi Tyerri Anrinin əl ilə ötürməsindən sonra qol vurub.

5. Çarlz Korver - DÇ-1982-də Patrik Battistona qarşı kobud oyuna görə qapıçı Harald Şumaxeri meydandan qovmayıb.

6. Tom-Henninq Ovrebe - 2009-cu il Çempionlar Liqasının yarımfinalı çərçivəsində baş tutan "Çelsi" - "Barselona" matçında hakim idarəçiliyi.

7. Braziliyalı hakim - "Santakruzense" - "Atletiko Sorokaba" matçında qol vurub.

8. Türkiyəli hakim - 1986-cı ildə hakimə dəyən top "Beşiktaş"ın qapısından keçib. Hakim qolu qeydə alıb.

9. Mark Klattenburq - "Mançester Yunayted"in "Tottenhem"lə oyununda futbolçunun penalti tələb edərkən cərimə meydançasında yıxılaraq topu əlləri ilə tutmasından sonra Naninin vurduğu qolu qeydə alması.

10. DÇ-2002-nin 1/8 final mərhələsinin İtaliya - Cənubi Koreya matçında ekvadorlu hakim Bayron Morenonun idarəçiliyi.